Resumo

A inxente cantidade de propostas teóricas que se ten xerado ó longo deste século, constitúe un claro indicador do interese que a motivación ten espertado entre os investigadores, pero, ó mesmo tempo, suscita a idea da dificultade que parece entrañar este fenómeno psicolóxico. Non deixa de resultar paradóxico que, existindo un acordo sen fisuras acerca do concepto, sexa tan diverxente o xeito de trata-las explicacións sobre as causas e sobre o proceso da conducta motivada.